Kvennkórinn mun flykkjast upp í Stöð 2 á miðvikudagsmorgun kl. 6:15.  Tekið verður viðtal við Hrafnhildi og Friðbjörgu þar sem ræddir verða 10 ára afmælistónleikar okkar.  Einnig verður rædd Barcelonaferðin svo og landsmótið sem við héldum í vor.  Kvennakórinn mun syngja tvö lög, annað í framhaldi af viðtalinu og eitt í lok þáttar.

Tvennir tónleikar verða haldnir nú í byrjun nóvember þar sem fjölbreytt og skemmtileg dagskrá verður flutt.  Fyrri tónleikarnir verða í Seltjarnarneskirkju fimmtudaginn 10. nóvember kl. 20:00 og þeir seinni í Víðistaðakirkju, laugardaginn 12. nóvember kl. 16:00. Forsala aðgöngumiða er hjá kórfélögum og í Súfistanum, Máli og menningu og Strandgötu 9, Hafnarfirði.

Um kvöldið þann 12. nóvember verður svo haldinn fagnaður í Lionssalnum í Kópavogi.  Þar ætlar Kvennakórinn ásamt áhangendaklúbbi sínum og fyrrum kórfélögum skemmta sér fram á rauða nótt.