Kvennakórinn mun halda sína árlegu vortónleika í Víðistaðakirkju laugardaginn 19. apríl.  Efnisskráin verður fjölbreytt að vanda og lofar kórinn góðri skemmtun.  Í tilefni 100 ára afmæli Hafnarfjarðarbæjar syngur kórinn nokkur lög eftir Hafnarfjarðarskáldið Friðrik Bjarnason,  en þar má fyrst nefna Þú hýri Hafnarfjörður sem tónleikarnir bera nafn sitt eftir.  Einnig mun kórin syngja lögin Fyrr var oft í koti kátt, Abbalabba lá og Sigling.  Önnur íslensk sönglög eru einnig á dagskránni ásamt erlendum lögum.  Kórinn mun svo ljúka tónleikunum  með vel þekktum söngleikjalögum. 

Æft var í Tónlistarskólanum lungað úr laugardeginum.  Kvennakórinn mætti kl. 9 og byrjað var á því að hita vel upp.  Sönggleðin lét ekki á sér standa og konur voru kampakátar þegar haldið var fram á Torg og sungið yfir prógrammið.  Tónar kórsins hljómuðu um alla ganga og fengu nemendur og starfsfólk Tónlistarskólans  forsmekkinn af dagskrá tónleika kórsins.  Framundan eru æfingar á mánudag og fimmtudag og mun kórinn halda áfram að æfa dagskránna.